6 Dekabr 2022 23:26
447
12 Punto 14 Punto 16 Punto 18 Punto

İspaniya millisinin baş məşqçisi Luis Enrike Qətərdə keçirilən dünya çempionatının 1/8 final mərhələsində Mərakeş yığmasına məğlub olduqları üçün üzr istəyib.

Teleqraf.com xəbər verir ki, 52 yaşlı mütəxəssis yerli telekanallardan birinə müsahibəsində məyus olduqlarını söyləyib.

İspaniyalı baş məşqçi bildirib ki, fanatlar komandanı sonadək dəstəkləsələr də, mundialda mübarizəni dayandırdılar: "Bağışlayın! Bizə görə həyəcanlandınız. Əmin olun ki, meydanda var gücümüzü ortaya qoyduq. İndi bizə yalnız Mərakeşi təbrik etmək qalır".

Qeyd edək ki, görüşün əsas və əlavə vaxtı qolsuz başa çatıb. Penaltilər seriyasında daha dəqiq oynayan (3:0) Afrika təmsilçisi tarixində ilk dəfə 1/4 finala yüksəlib.


Müəllif: Teleqraf.com