Azərbaycan-Estoniya matçının biletləri satışa çıxarılır

Azərbaycan millisi iyunun 17-də AVRO-2024-ün seçmə məhələsində Estoniyanı qəbul edəcək.

Teleqraf.com xəbər verir ki, “Dalğa Arena”da keçiriləcək görüşün biletləri sabahdan etibarən satışa çıxarılacaq.

Biletlər üç kateqoriyaya bölünüb. 1-ci kateqoriya 5 manat, 2-ci kateqoriya 2 manat, VIP üçün isə 10 manat nəzərdə tutulub.

Biletləri 28 Mall, Gənclik Mall, Heydər Əliyev Sarayı, Köşk №1, Köşk №2, 1 saylı ASAN Xidmət, 2 saylı ASAN Xidmət, 3 saylı ASAN Xidmət, 4 saylı ASAN Xidmət və Sumqayıt ASAN Xidmətində əldə etmək mümkündür.

Qeyd edək ki, iyunun 17-də keçiriləcək Azərbaycan – Estoniya qarşılaşması saat 20:00-da başlayacaq.