"Real" ən çox qazanan klubdur

"Deloitte" şirkəti 2013-2014-cü il mövsümündə ən çox gəlir əldə etmiş futbol klublarının reytinqini açıqlayıb.

Siyahıya Madridin "Real" klubu başçılıq edir. İspaniya təmsilçisi hesabat dövründə 549,5 milyon avro gəlir əldə edib.

"Mançester Yunayted" 518 milyon avro ilə ikinci yerdə qərarlaşıb.

"Bavariya" ilk üçlüyü tamamlayır. Münhen komandasının gəlirləri 487,5 milyon avro təşkil edib./trend/