İngiltərə - Azərbaycan oyununun keçiriləcəyi stadion müəyyənləşdi

21 yaşadək futbolçulardan ibarət Azərbaycan millisinin Avropa çempionatının seçmə mərhələsində İngiltərə yığması ilə keçirəcəyi səfər oyununun yeri müəyyənləşib.

Teleqraf.com xəbər verir ki, bu barədə AFFA-nın rəsmi saytında məlumat paylaşılıb.

F qrupu çərçivəsində oktyabrın 15-də təşkil olunacaq görüş Bristol şəhərində yerləşən “Ashton Gate” stadionunda baş tutacaq.

Matçın başlama saatı ilə bağlı daha sonra məlumat veriləcək.