AFFA "Xəzər Lənkəran" və AZAL-ı cərimələdi

Bu gün AFFA İntizam Komitəsinin iclası keçirilib.

Teleqraf.com AFFA-nın saytına istinadən xəbər verir ki, toplantıda Premyer Liqanın III turunda keçirilmiş oyunlarda qeydə alınmış bəzi qayda pozuntuları ilə bağlı qərarlar verilib.

"Xəzər Lənkəran" – "Rəvan" matçında qonaqların 5 futbolçusunun sarı vərəqə ilə cəzalandığı üçün klub 1000 manat cərimə olunub.

Oyunun 48-ci dəqiqəsində "Xəzər Lənkəran"ın futbolçusu Elşən Rzazadə ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub.

Oyunun 90+1-ci dəqiqəsində Cənub təmsilçisinin futbolçusu Adrian Skarlatake ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimə olunub.

Oyun başa çatandan sonra "Xəzər Lənkəran" azarkeşləri tərəfindən meydançaya kənar əşyalar atıldığı üçün klub 2000 manat cərimə olunub.

AZAL – "Qarabağ" matçının 82-ci dəqiqəsində ev sahibi komandanın baş məşqçisi Tərlan Əhmədov hakimə qarşı emosional şəkildə etiraz etdiyinə görə texniki zonadan kənarlaşdırıldığı üçün 1 oyun cəzalanıb, klub 1000 manat cərimə olunub.

"Qəbələ" – "Kəpəz" matçında qonaqların 4 futbolçusunun sarı vərəqə ilə cəzalandığı üçün klub 1000 manat cərimə olunub.

"Zirə" – "İnter" matçında ev sahibi komandanın 5 futbolçusunun sarı vərəqə ilə cəzalandığı üçün klub 1000 manat cərimə olunub.

Rüstəm