Rəqibin üç dişini qırdı - Ömürlük cəzalandı

Çinin xokkey çempionatında dava salan idmançı ağır cəzaya məhkum edilib.

Lyan Bin Vu xokkey oynamaqdan ömürlük məhkum edilib. O, oyunun gedişində rəqibə xokkey ağacı ilə ağır zərbə vuraraq, onun 3 dişini sındırıb. Həkimlər zədələnmiş xokkeyçinin ağzına 42 tikiş atıblar.

İnsidenti araşdıran komitə Bin Vunu ömürlük cəzalandırıb.

Çinin qış idman növləri üzrə direktoru Jili Vanqa məsələyə belə münasibət bildirib:

“Belə sanksiyalar nadir hallarda tətbiq olunur. Ancaq bu cür qayda pozuntusu bütün sərhədləri aşmaq deməkdi. Sən idmançısansa, özünü idmançı kimi də aparmalısan”.