"Traktorsazi" erməni futbolçudan imtina etdi

İranın "Traktorsazi" (Təbriz) futbol klubu erməni əsilli Varazdat Harayanı transfer etməkdən imtina edib.

Teleqraf.com xəbər verir ki, bundan əvvəl oyunçu ilə müqavilə imzalamaq planlaşdırılırdı.

Klubun baş direktoru Mustafa Ajurlu bildirib ki, bu qərar əksər azarkeşlərinin etnik azərbaycanlılar olduğu klubun böyük tamaşaçı kütləsi itirməsi ilə nəticələnə bilərdi:

"Mənim məqsədim odur ki, bütün türk xalqlarını "Traktorsazi"nin ətrafında birləşdirim. Ermənistan yığmasının oyunçusunun komandamıza gəlişi bu birliyi təhlükə altında qoyurdu. Buna görə də transfer ideyasından imtina etdik".