14 Avqust 2018 08:33
1 345
12 Punto 14 Punto 16 Punto 18 Punto

Amerikalı konqresmen Devin Nunes bildirib ki, Avropa Azərbaycandan İtaliyaya Transadriatik qaz kəmərinin (TAP) çəkilməsini dəstəkləməlidir.

Bu barədə "Washington Examiner" nəşri yazıb.

Onun sözlərinə görə, bu qaz kəməri Avropanın Rusiya qazından asılılığının azaldılmasının yeganə üsuludur. Belə olan halda, Avropa ölkələri, xüsusilə də, Almaniya daha "Rus ayısı"nı pul ilə bəsləməyəcək.

Nunes həmçinin bildirib ki, bu qaz kəməri üçün yeganə maneə Rusiyanın İtaliyada apardığı təbliğatdır. Moskva bu təbliğatın köməkliyi ilə layihənin həyata keçirilməsinə mane olmaq məqsədi ilə yalan məlumat yayır.

"Transadriatik qaz kəmərinin tikintisi ilə Avropa üçün daha bir qaz mənbəyi yaranmış olacaq. Bu vəziyyət Avropa ölkələrinin Rusiya qazından asılılığını aşağı salacaq", - deyə konqresmen əlavə edib.


Müəllif: Mənbə/Report