“Kriptovalyutalar cəmiyyətə töhfə vermir” - Bill Qeyts

“Kriptovalyutalara pərəstiş etmirəm və heç bir rəqəmsal valyutaya sahib deyiləm. Bu investisiya vasitələrinin cəmiyyətə töhfə vermədiyini düşünürəm”.

Teleqraf.com xəbər verir ki, bunu “Microsoft”un qurucusu Bill Qeyts deyib.

125 milyard dollarlıq sərvətlə dünyanın dördüncü ən varlı adamı olan Bill Qeytsin sözlərinə görə, o, sərmayəni dəyərli nəticələri olan şeylərə yatırmağı xoşlayır: “Şirkətlərin dəyəri onların necə gözəl məhsul istehsal etməsindən asılıdır. Kriptonun dəyəri, başqasının onun üçün ödəyəcəyi dəyər qədərdir, buna görə də digər investisiyalar kimi cəmiyyətə töhfə vermir”.