BƏƏ ilə Rusiya arasında ticarət dövriyyəsinin həcmi artdı

2022-ci ilin ilk 9 ayında Birləşmiş Ərəb Əmirlikləri (BƏƏ) ilə Rusiya arasında qeyri-neft ticarətinin həcmi 57 faiz artaraq 5,5 milyard dollara çatıb.

Teleqraf.com xəbər verir ki, bunu BƏƏ-nin Xarici Ticarət üzrə Dövlət Naziri Sani bin Əhməd əz-Zeyudi deyib.

Cari ilin statistikasını açıqlayan nazir, keçən ilin eyni dövründəki ticarət həcmi barədə məlumat verməyib.

Rəsmi məlumatlara görə, Rusiyanın ən böyük Körfəz ticarət tərəfdaşı sayılan BƏƏ bazarında 4000-dən çox rus şirkəti var.

Ukraynada davam edən müharibəyə görə Qərb dövlətlərinin Rusiyaya qarşı iqtisadi sanksiyalar tətbiq etdiyi bir vaxtda bu ölkə ilə BƏƏ arasında ticarət dövriyyəsinin artması diqqət çəkib.