Barmağını kəsən aktyor arvadına nələr yazdı?

Dünyaca məşhur aktyor Conni Depp son günlər boşanma qalmaqalları ilə gündəmdədir.

Teleqraf.com xarici mətbuata istinadən xəbər verir ki, aktyorun amerikalı aktrisa Amber Herdlə boşanma qalmaqalında hər gün yeni faktlar ortaya çıxır.

Bu xəbərlərdən ən maraqlısı isə ötən gün yayılıb. Amber Herd məhkəməyə Conni Deppin qanlar içində olan kəsik barmaq ucunun fotoşəklini təqdim edib.

Xəbərlərdə qeyd olunur ki, hadisə mart ayında Depp Avstraliyada içkili halda olarkən baş verib. Amberlə telefon danışığından sonra əsəbiləşən aktyor telefonla şüşəni qırıb və bu da barmağının kəsilməsinə səbəb olub. Məhkəmə sənədlərində qeyd olunur ki, Depp daha sonra barmağının ucunu mavi boyayla boyayaraq güzgüyə bu sözləri yazıb: “Baş rollarda asan Amber və Billi Bob”. Billi Bobun aktyor Billi Bob Tornton olduğu iddia olunur. Deppin fikrincə, Amber 2008-ci ildə çəkildiyi “The İnformers” filmində aktyor Billi Bob Torntonla sevgili olub.

Amber isə Torntonla intim əlaqədə olmadığını və Cepp tərəfindən tez-tez bu kimi təhdidlərlə üzləşdiyini bildirib.
Conni ilə Amber 2015-ci ilin fevralın 3-də ailə həyatı qurub. Amma onların xoşbəxtliyi çox uzun sürməyib. Aktrisa boşanma haqqında sənədi həmin ilin may ayında məhkəməyə təqdim edib.

Pərvin