Eyyub Yaqubov YARAT-da konsert verəcək

Əməkdar artisti Eyyub Yaqubov aprelin 1-də YARAT Müasir İncəsənət Məkanında çıxış edəcək.

Teleqraf.com xəbər verir ki, həmin gün YARAT-da müasir zamanın qeyri-müəyyənlikləri və illüziyalarına həsr olunmuş “Aldanma!” adlı ədəbiyyat gecəsi keçiriləcək. Gecədə müasir şairlər - Səlim Babullaoğlu, Qismət və Fərid Hüseynin çıxışları olacaq.

Həmçinin Eyyub Yaqubov və onun yaradıcı kollektivi ilə birgə hazırlanmış xüsusi proqram da təqdim olunacaq. Ədəbiyyat gecəsi çərçivəsində Eyyub Yaqubov ilk dəfə “Yıxılır dünya” mahnısının video klipinin sirli məqamlarını açıqlayacaq.

Tədbirin yekununda müğənninin canlı konserti baş tutacaq.

Giriş sərbəstdir.

Pərvin