3 İyul 2017 14:03
810

Aktyor Fərda Xudaverdiyev, tanınmış əkiz müğənni və teleaparıcılar Sevinc və Sevil bacıları, müğənni Damla eyni filmdə çəkilirlər.

Bu barədə Teleqraf.com-a Fərda Xudaverdiyev açıqlama verib.

O bildirib ki, 10 gündən çoxdur yeni filmin çəkilişlərinə başlanıb: “Deyim ki, “Qız qaçırtma” adlı bu filmin çəkilişlərini 10-12 günə bitirməyi planlaşdırırq. Çəkilişlərin əsas hissəsi Bakıda keçsə da, ayın 6-dan sonra filmin kollektivi ilə Xızı və Quba rayonlarına yola düşəcəyik“.

Fərda həmçinin kollektivlə işləməkdən məmnun olduğunu bildirib:

“Filmin rejissoru əziz dostum Rüfət Şahbazovdur. Filmdəki xanım həmkarlarla da işləməkdən zövq alıram. Məncə, çox maraqlı bir iş ortaya çıxacaq.”

Filmin premyerası dekabr ayına planlaşdırılır.


Müəllif: Könül Əlibəyli