"Kurtlar Vadisi Pusu"nun Güllüsü Bakıda filmini təqdim etdi - Foto

Türkiyənin "Eslem Film Yapım" şirkəti tərəfindən çəkilən "Nisan" filminin mətbuat konftansı baş tutub.

Filmdə baş rolu canlandıran "Kurtlar Vadisi Pusu" serialının Erhan Güllüsü aktyor Erhan Ufak
Teleqraf.com-a açıqlamasında obrazından danışıb:

"Film 12 gün ərzində çəkildi. Fərqli bir xarakteri canlandırıram. Bu, 14 illik "Kurtlar Vadisi Pusu" serialındakı Güllü Erhan obrazından fərqlidir. Güllü Erhan xarakterini davam etdirmək istəməzdim. Filmimiz sevgi hekayəsi üzərində qurulub. Ekran əsəri Türkiyədə çəkiləcəkdi, amma Azərbaycanda "Sənət Akademiyası" adlı məktəb açdıq.

Layihəni Bakıda həyat keçirdik və tələbələrimizi də buraya dəvət etdik. Filmdə azərbaycanlı aktyorlar da çəkildi. Onlarla birlikdə çalışarkən özümü yad hiss etmədim, qürur verdi. Eyni dildə danışdığımız üçün problem olmadı".

Filmin prodüseri Yalçın Çoban isə deyib ki, filmdə Erhan Ufakla yanaşı Canan Nəzirova da rol alıb: "Canan Nəzirova azərbaycanlı qız rolunu canlandırıb. O, işlərinə görə Almaniyaya qayıtmalı oldu. Filmin premyerasında iştirak edəcək. Azərbaycanda növbəti layihə də icra edəcəyik, film çəkməyi düşünürük".

Filmin rejissoru və ssenaristi İbrahim Bülbül isə "Nisan"ın çəkilişlərindən danışıb: "Çəkiliş zamanı müəyyən çətinliklər yaşadıq. Texniki heyətimiz fərqlidir. Azərbaycanla Türkiyənin çəkim anlayışları arasında fərq var. Azərbaycan kino sahəsinə yeni baxış gətirmək istəyirik. İşimizi layiqincə yerinə yetirdik. "Nisan" filmi Azərbaycanda ərsəyə gətirdiyimiz ilk layihəmizdir. Filmin qalası Azərbaycanda olacaq. Daha sonra Türkiyə və Almaniyada da baş tutacaq.

Məqsədimiz Azərbaycan kinosunu dünyaya tanıtmaqdır. Bu layihədə iştirak edənlərdən hər birimiz özümüzü Azərbaycan vətəndaşı kimi təqdim edəcəyik. "Sənət Akademiyası"nda yetişdirdiyimiz tələbələri də layihələrimizə dəvət edəcəyik".

Filmdə rol alan aktyor Rəşad Kəsəmənli bildirib: "Hər ölkənin fərqli baxış və yanaşma tərzi var.
Bu layihədə iştirak mənim üçün fəqli yanaşma tərzi oldu. Erhan Ufak ilə bir yerdə çalışdıq. Kollektiv çox gözəl idi. Onlarla işləmək çox xoş oldu".

"Sənət Akademiyası"nın direktoru Səbuhi Zaman "Nisan" filminin çəkilişlərinin uğurlu bitdiyini və filmdə rol aldığını deyib: "Sənət Akademiyası"nı təsis etdik. Həmçinin tələbələrimiz də "Nisan"da rol alıblar".

Filmdə rol alan Elmira Qocayevanın sözlərinə görə, çəkilişlərdə bəzi çətinliklər olub: "Bu da normaldır. İnşallah, filmimizin səsi yüksəkdən gəlsin. İşbirliyimiz davamlı olar".

Qeyd edək ki, filmdə Erhan Ufak, Canan Nəzirova, Rəşad Kəsəmənli, Murad Abdullayev, Səbuhi Zaman, Şahin İmaməliyev, Elmira Qocayeva, Vurğun Həsənov, Novruz Cəfərov və bir çox aktyorlar çəkiliblər.

Xatırladaq ki, Erhan Ufak ölkəmizdə filmə çəkilməklə yanaşı "Sənət Akademiyası”nda da dərs deyir.