Məşhur müğənni təyyarə qəzasında vəfat etdi

Braziliyanın Buenos şəhərindən olan 26 yaşlı məşhur müğənni Marilia Mendonça səyahət etdiyi kiçik təyyarənin qəzaya uğraması nəticəsində dünyasını dəyişib.

Teleqraf.com xəbər verir ki, qəzada müğənnidən başqa prodüser Henrique Ribeiro, Mendonçanın əmisi və məsləhətçisi Abicieli Silveira Dias Filho, təyyarənin iki pilotu da həlak olub.

6 nəfərlik təyyarə taksisinin qəzaya uğramasının səbəbi hələ müəyyən edilməyib.

Braziliyada kifayət qədər məşhur olan və kənd yerlərində “sertanejo” üslubunda oxuyan Mendonça 22 iyun 1995-ci ildə anadan olub. Mendonçanın iki yaşlı oğlu var.

Braziliya prezidenti Bolsonaro müğənninin ölümü ilə bağlı deyib: “Öz nəslinin ən böyük sənətçilərindən olan, özünəməxsus səsi, xarizması və musiqisi ilə hər kəsin sevgisini və heyranlığını qazanan gənc sertaneja müğənnisi Marilia Mendonçanın ölüm xəbəri bütün ölkəni şoka salıb. Marilia mahnıları ilə həmişə həyatımızda olduğu üçün çox yaxın birini itirmiş kimi hiss edirik”.