Afət Floranı müdafiə edən aktrisa haqda: "Əyri fikirlərin əyri ağzın kimidir..."

Müğənni Afət Fərmanqızı xalq artisti Naibə Allahverdiyevanın ünvanına xoşagəlməz sözlər söyləyib.

Teleqraf.com xəbər verir ki, Afət Fərmanqızı İnstaqramda video paylaşaraq Naibə Allahverdiyeva haqqında deyib:

"Bir aktrisa var, alt dodağı yer, üst dodağı göy süpürür. Bu aktrisa öz aləmində guya mənim cavabımı verib, xalq artisti ilə münaqişəmə münasibət bildirib. Əvvəla, əyri fikirlərin əyri ağzın kimi əyridir. Ona görə də fikirlərin keçərli deyil. Deyirsiniz ki, onun nə haqqı var, böyük sənətkarı təhqir edir? Bəs, onun nə haqqı var məni təhqir edir?!

Təhqirləri xalqa deməmişəm, çünki yaxınlarım, əzizlərim sarsıla bilər. Onlar məhkəmədə sübut kimi hamısı göstəriləcək. Hər ikiniz dövlətdən yaxşı maaş alırsınız, niyə pandemiyada 10 manat insanlara kömək etmədiniz? Amma mən şəxsi vəsaitimlə yüz ailəyə kömək etmişəm. Ona görə də xalqın xalq artisti və əməkdar artisti də özüməm".

Qeyd edək ki, Flora Kərimova Afət Fərmanqınızını məhkəməyə verib. Xalq artisti Naibə Allahverdiyeva isə Flora Kərimovanın müdafiəsinə qalxdığı üçün Afət Fərmanqızını özündən çıxarıb.

View this post on Instagram