Cennifer Lopezin qayınanası yıxıldı – Növbəti toy təxirə salınır?

Yeni evlənən Hollivud cütlüyü Cennifer Lopez və Ben Afflek həftəsonu xoşagəlməz sürprizlə üzləşiblər.

Teleqraf.com xəbər verir ki, ötən ay Las-Veqasda evlənən cütlüyünün bu həftənin axırına planlaşdıqları üç günlük toy mərasiminə kölgə düşüb.

Toydan əvvəl Ben Afflekin anası Kristofer Enn Boldt oğlunun Corciyadakı malikanəsində yıxılaraq xəstəxanaya yerləşdirilib. Ayağından zədələnən Boldtu təcili yardımla xəstəxanasına qədər oğlu Afflek müşayiət edib.

Bildirilib ki, Afflek anasını evdə zədəli vəziyyətdə tapıb və dərhal təcili yardım çağırıb. Ərini tək qoymayan Cennifer Lopez qayınanasına baş çəkmək üçün xəstəxanaya gedib.

Məlumata görə, Lopezin qayınanasının vəziyyəti yaxşılaşıb, 3 günlük toya hazırlıqlar davam etdirilir.

Cennifer Lopez Ben Afflek cütlüyü toylarını ailələri və yaxın dostlarının qatılacağı üç günlük tədbirlərlə qeyd edəcək. Cütlük həftə sonu ailə üzvləri üçün özəl ziyafət təşkil edəcək.