"Başımdakı meyvələrlə fəxr edirəm" - Elza Seyidcahan

Əməkdar artist Elza Seyidcahan ATV kanalında yayımlanan "Bizimləsən" verilişinin canlı efirdə Roman adlı iştirakçı ilə mübahisə edib.

Teleqraf.com xəbər verir ki, Elza Seyidcahan Roman adlı iştirakçıya üst geyiminin qalın olduğunu bildirərək ona kətan köynək alacağını deyib.

Roman isə Elza Seyidcahana “Sağ olun, mənə qardaşım kətan köynək alar. Başımda meyvə ilə gəzmirəm ki?”, -deyib.

Əməkdar artist iştirakçıya belə cavab verib: “Həmişə başımdakı meyvələrlə fəxr edirəm. O, bir sənətkarın obrazıdır. Bədənini döydürüb o günə qoymaqdansa, başına meyvə qoysaydın, min dəfə yaxşı olardı".

Elza Seyidcahan aparıcı Zaur Baxşəliyevə də öz etirazını bildirib: “Zaur, olmaz. Sənin əməkdar artistinə deyir ki, başına niyə meyvə qoymusan. Özün deməliydin ki, meyvə dəbdən xəbər verir, o, böyük səhv edib, üzr istəməlidir. Mən onu təhqir etmədim".