"Toppuş bacı"nın qızı seriala çəkilir

Mərhum aktrisa Tünzalə Əliyevanın qızı Zəhra seriala çəkilir.

Teleqraf.com xəbər verir ki, bu barədə aktrisanın həyat yoldaşı Röyal Babayev məlumat verib.

"Sanki həyat mənə geri dönüş edib, illərlə gül üzlü yarımı çəkilişlərə, verilişlərə aparırdım, indi isə onun məndə olan əmanətini aparıram. Həmd olsun Rəbbimə, birini aldı, birini verdi.

Hər şey Ülviyyə Əliyevanın "Zəhranı gözəl Səidə Haqverdiyeva xanım teatrına dəvət edir" sözü ilə başladı.

Gözəl qəlbli Dilarə xanım Zəhramı seriala çəkmək istədiyini söylədi və biz də sevə-sevə qəbul etdik. Zəhram çəkiliş meydanında heç çətinlik çəkmir. "Mən mama kimi olacam" deyir. Məncə, olacaq. Çünki o gözəl insana yalnız qızı rəqib ola bilər"-, deyə Babayev sosial şəbəkədə qeyd edib.

Qeyd edək ki, Zəhra ARB-də yayımlanacaq "İkinci bahar" serialında rol alır.