Təranə Qumral: "Elarizin ifa etdiyi mahnıya görə dava düşdü"

Müğənni Təranə Qumral həmkarı Elariz Məmmədoğlu haqqında açıqlaması ilə diqqət çəkib.

Teleqraf.com xəbər verir ki, Təranə Qumral "Tarixin bir günü" verilişində bu sözləri deyib: "Bir dəfə Ağdamlıların toyunda bir estrada müğənnimiz iştirak edirdi. Mən qorxmuram, adını da çəkəcəm. Bilirsiniz ki, mən faktlarla danışıram. Gördük ki, millət çöldədir. Dedim ki, yüz faiz dava düşüb. Elariz Məmmədoğlu isə içəridə mahnı oxuyurdu. Onun ifa etdiyi mahnıya görə toy mərasimində dava düşmüşdü. Hər rayonun öz dinləyicisi var. Gərək, bu kimi halları nəzərə alasan".