Məşhur aparıcı: “İstəmirəm efirdə hoppanıb-düşüm”

Tanınmış teleaparıcı Zabir Əliyev telekanallarda nümayiş olunan verilişlərin səviyyəsindən narazıdır.

Publika.az-a açıqlama verən aparıcı arzuladığı verilişlərdən də danışıb:

“Bu gün televiziyalarda izlədiyim verilişlər məni qane etmir. Mən ciddi proqramların aparıcısı olmaq arzusundayam. Amma təəssüf ki, belə verilişlərə önəm verən yoxdur. Maqazin tipli proqramları aparmaq mənim yaşımla da uğun gəlmir. 43 yaşım var, istəmirəm efirdə kiminsə şəxsi həyatına toxunum, hoppanım-düşüm, şitlik edim. Bu günə qədər elə verilişlər olub ki, demişəm, gülmüşəm, oynamışam, zarafatlar da etmişəm. İndi tamaşaçını həm maarifləndirməyi bacaran, həm də intellektual çəkisi olan verilişlərlə sevindirmək istəyirəm”.