Azərbaycanlı müğənni klarnetdə ifa etdi - VİDEO

Gənc müğənni Seyran Babayev dinləyicilərinə "Mənə Güvən" adlı mahnısına çəkilən yeni klipini təqdim edib.

Teleqraf.com xəbər verir ki, o, bu ifası barədə danışarkən deyib: “Bəlkə də, klipə baxıb çoxları klarnetlə imitasiya etdiyimi düşünəcək. Əslində, həm videoda, həm də səsyazma prosesində klarnetdə ifa etmişəm. Şövkət Ələkbərova adına musiqi məktəbinin nəfəsli alətlər bölümünü bitirmişəm və bir çox müsabiqələrdə laureat olmuşam. Klarnet ifaçılığını valideynlərimin istəyi ilə öyrənsəm də sona kimi təəssüf ki, davam etmədim. Amma klipdəki görüntülər mənim üçün xoş xatirə olaraq qalacaq".

Rejissorunun Alvin Əhmədov olduğu klipdə Seyranla bərabər Ulduz Bayramova və Emma Salayeva da çəkiliblər. Mahnının sözləri ifaçının özünə aiddir.

S. Babayev hazırda "Chatbox tv"-nin aparıcısıdır.

Rəqsanə