17 Aprel 2019 18:28
920
12 Punto 14 Punto 16 Punto 18 Punto

“Ankaranın bugünkü qonağı İranın xarici işlər naziri Məhəmməd Cavad Zərifi idi. Tehran Türkiyə Prezidenti Rəcəb Tayyib Ərdoğanı Suriya Prezidenti Bəşər Əsədlə barışdırmaq istəyir. Zərifinin Ankaraya səfirinin əsas məqsədi bu idi”.

Teleqraf.com xəbər verir ki, bunu politoloq Elxan Şahinoğlu deyib.

Onun sözlərinə görə, Ərdoğan bəlkə də haqlı olaraq Əsədin ünvanına o qədər ağır ifadələr işlədib ki, geri addım atmaq istəmir:

“Ancaq siyasət mümkün olanın reallaşdırılmasıdır. Ərdoğan Əsəd kimi Suriyanın ərazi bütövlüyünü dəstəkləyir, Ərdoğan yenə Əsəd kimi Vaşinqtonun İsrailin Colan təpələri üzərindəki nəazrətini dəstəkləyən siyasətini qınayır, PKK və onun uzantıları Türkiyə kimi Suriya üçün təhdiddir.

Göründüyü kimi əsas mövzularda Ankara ilə Dəməşqin mövqeyi üst-üstə düşür. Ona görə də prezidentlərin növbəti illər üçün küsülü qalmaq üçün əsası yoxdur. Tehranın xarici siyasətinin sərt tənqidçilərindən olsam da, Əsədlə Ərdoğanı barışdırmaq üçün vasitəçilik təşəbbüslərini müsbət qarşılayıram. Əsəd çox qanunsuzluqlar edib, ancaq Rusiya və İranın köməyi ilə ölkə üzərindəki nəzarəti geri qaytardı. Ankara bu reallığı qəbul etmək məcburiyyətindədir. Ankarada söhbət etdiyim ekspertlə bu mövzuda fikir bildirməyə həvəsli olmasalar da, hiss olunur ki, onlar da Əsəd reallığını qəbul edirlər”.


Müəllif: Mənsur Rəğbətoğlu