23 Oktyabr 10:04

Bakıda Qoşulmama Hərəkatının Dövlət və Hökumət Başçılarının XVIII sammiti ərəfəsində Xarici İşlər Nazirləri Şurasının görüşü başlayıb.

Teleqraf.com xəbər verir ki, iclası 2016-cı ildən hərəkata sədrlik edən Venesuela Bolivar Respublikasının xarici işlər naziri Xorxe Arreaza açıb.

O qeyd edib ki, Venesuela ölkələrin ərazi bütövlüyünə, suverenliyinə hörmətlə yanaşır və Qoşulmama Hərəkatının əsas prinsiplərindən də biri budur. O bildirib ki, dünyada ölkələrin xarici təcavüzə qarşı müqavimət göstərməsi, qorunması vacibdir: “Lakin təəssüflər olsun ki, bu gün işğal, hərbi, siyasi müdaxilənin şahidi oluruq”.

XİN rəhbəri bildirib ki, Venesuela da təcavüz qurbanıdır: “Bu isə ölkədə sülh və təhlükəsizliyin əleyhinə yönəlib. Venesuelaya siyasi müdaxilələr iqtisadi, humanitar problemlərə gətirib çıxarır. Venesuela isə dialoq tərəfdarıdır. Biz beynəlxalq hüquqa hörmət edirik. Bu istiqamətdə, siyasi razılığa gəlinmə rolu ilə problemləri həll etmək niyyətindəyik. Beynəlxalq hüquqa və prinsiplərə əməl etməyi davam edəcəyik. Qoşulmama Hərəkatının üzvlərinə BMT-nin İnsan Hüquqları Komitəsində bizə dəstək olduqları üçün təşəkkür edirik”.

Daha sonra Venesuelanın XİN başçısı sədrlik səlahiyyətlərinin 2019-2022-ci illərdə təşkilata sədrlik edəcək Azərbaycanın xarici işlər naziri Elmar Məmmədyarova keçdiyini bildirib və onu təbrik edib.


Müəllif: Səxavət