Hüseynbala Mirələmov oğlundan danışdı: "Hadisənin görünməyən tərəfləri var"

Milli Məclisin sabiq deputatı Hüseynbala Mirələmovun oğlu supulunu ödəmədiyi üçün məhkəməyə verilib. Məlumata görə, Xəzər rayonu Şüvəlan qəsəbəsində yaşayan Fərid Mirələmovun həmin ünvan üzrə mənzilə verilən içməli suya görə borcu yaranıb. Bu səbəbdən “Azərsu”ASC Nəsimi Rayon Məhkəməsində iddia qaldırıb.

Teleqraf.com xəbər verir ki, Hüseynbala Mirələmov oğlunun supulunu ödəmədiyi üçün məhkəməyə verilməsinin təfərrüatları ilə bağlı Modern.az-a danışıb.

Keçmiş deputat vurğulayıb ki, hadisənin görünməyən tərəfləri var:

"Oğlumun vaxtilə bir yerdə işlədiyi dostu var. O, mənzil şəraiti yaxşı olmadığına görə oğluma müraciət edib, Fəridin Şüvəlandakı bağ evində qalmaq istəyini dilə gətirib. Oğlum da deyib ki, "get, qal". Dostu oğlumun Şüvəlandakı bağ evində qalıb, bütün kommunal xidmətlərdən istifadə edib. Lakin supulunu ödəməyiblər. Bağ oğlumun adına olduğuna görə, borc onun adına yazılıb. Oğlum həmin adama zəng edib məsələni danışıb. Elə dünən, ya əvvəlki gün həmin adam özü ödənişi edib".