Harris Trampa qarşı sui-qəsd cəhdinə bu reaksiyanı verdi

ABŞ-ın vitse-prezidenti, ən yüksək dövlət postuna namizəd Kamala Harris respublikaçı rəqibi Donald Trampa qarşı sui-qəsd cəhdinə münasibət bildirib.

Teleqraf.com xarici mətbuata istinadən xəbər verir ki, bu barədə K.Harris "X" sosial şəbəkəsində paylaşım edib.

“Mən keçmiş prezident Trampın Floridadakı mülkünün yaxınlığında silahlı atışma olması barədə məlumat aldım və onun təhlükəsizlikdə olmasına şadam. Amerikada zorakılığa yer yoxdur", - deyə o bildirib.