Putin Təhlükəsizlik Şurasının tərkibini dəyişdi

Rusiya prezidenti Vladimir Putin ölkənin Təhlükəsizlik Şurasının tərkibində dəyişiklik edib.

Teleqraf.com yerli mətbuata istinadən xəbər verir ki, bu barədə dövlət başçısının rəsmi portalında sərəncam yerləşdirilib.

Sərəncama əsasən, sentyabrın 25-də Federasiya Şurasının birinci vitse-spikeri təyin edilən Vladimir Yakuşev Təhlükəsizlik Şurasından xaric edilib .

Eyni fərmanla Putin Rusiya Təhlükəsizlik Şurasının tərkibinə onun köməkçisi Aleksey Dyumini, Federal Tibbi-Bioloji Agentliyin rəhbəri Veronika Skvortsovanı, Prezidentin Xüsusi Proqramlar Baş İdarəsinin rəhbəri Aleksandr Linetsni, habelə Rusiya Federasiyası Prezidentinin birinci müavinini daxil edib.