“Xəzər dənizində zəlzələ gözlənilir”- XƏBƏRDARLIQ

“Şamaxıda və Xəzər dənizində zəlzələ gözlənilir”.

Bu sözləri Azərbaycan Milli Elmlər Akademiyası nəzdində Seysmoloji Xidmət Mərkəzinin direktoru Qurban Yetirmişli bugünkü mətbuat konfransında çıxışı zamanı deyib.

Direktorun sözlərinə görə, hazırda seysmik stansiyalarda müşahidə olunan gərginliyə əsasən deyə bilərik ki, Şamaxı və Xəzər dənizində zəlzələ gözlənilir: “Lakin nə vaxt olacaq, bunu demək mümkün deyil”.

Qurban Yetirmişli bildirib ki, 2012-ci ildə Zaqatalada baş verən zəlzələdən əvvəl ərazidə gərginlik müşahidə edilirdi: “Lakin zəlzələnin konkret gün və saatını demək mümkün deyil”.

Direktor bu ilin 7 ayı ərzindərespublika ərazisində qeydə alınan zəlzələlər barədə də məlumat verib. Bildirib ki, bu il avqustun 1-dək respublika ərazisində 4849 təkan olub: “Təkcə Azərbaycan ətrafında 2300-dən artıq zəlzələ baş verib. Bu vaxta qədər maqnitudu 3 və ondan yüksək olan 57 zəlzələ qeydə alınıb. İlin əvvəlindən 10 hiss olunan zəlzələ baş verib”.

İlhamə ƏBÜLFƏT