"Speys"in xəbər şefi işdən azad olundu

"Space" Müstəqil Teleradio Şirkətinin ("Speys" TV) "Hər gün” informasiya proqramının baş redaktoru Elman Gədikli tutduğu vəzifədən azad edilib.

Teleqraf.com unikal.org-a istinadla xəbər verir ki, teleşirkətin prezidenti Vaqif Mustafayev baş redaktorun işdən çıxarılması ilə bağlı dünən saat 15:00-da əmr imzalayıb.

Elman Gədikli işdən azad olunmasını təsdiqləyib və bildirib ki, öz ərizəsi ilə işdən azad olunub: "Qardaşım rəhmətə getdi, 40-ı çıxmamış bacım dünyasnı dəyişdi. 11 il idi "Space"-də fəaliyyət göstərirdim. Adam bir yerdə çox işləyəndə yorulur. Bu səbəbdən işdən azad olunmağım üçün ərizə yazdım. Bir müddət istirahət etdikdən sonra əməkdar jurnalist olaraq ölkədki KİV-lərin birində çalışacağam".