DİM-dən sosial şəbəkə - Xəbərdarlığı

İnstaqram şəbəkəsində Dövlət İmtahan Mərkəzi adı ilə bir çox saxta səhifə və profillər fəaliyyət göstərir.

Teleqraf.com xəbər verir ki, bu barədə Dövlət İmtahan Mərkəzi məlumat yayıb.

Məlumatda bildirilib ki, bu barədə DİM-ə müraciətlər daxil olub və onlar araşdırılıb.

“Aparılan araşdırmalar nəticəsində həmin səhifə və profillərdə imtahanlar, qəbul kampaniyasının gedişi, eləcə də DİM-in fəaliyyətinə dair təhrif olunmuş yanlış məlumatlar yerləşdirilir, vətəndaşlar tərəfindən ünvanlanmış suallara səhv cavablar yazıldığı məlum olub. Nəzərinizə çatdırırıq ki, DİM-in İnstaqram sosial şəbəkəsində heç bir səhifə və ya profili fəaliyyət göstərmir. Sizdən xahiş edirik ki, DİM adı ilə yaradılmış saxta səhifə və profillərlərdən istifadə etməyəsiniz.