Yol polisinin təhqir edilməsi ilə bağlı yayılmış video araşdırılır - Rəsmi

Sosial şəbəkələrdə Bakıda yol polisi ilə sürücü arasında yaranan mübahisənin təfərrüatları Bakı Şəhər Baş Polis İdarəsində araşdırılır.

Bakı şəhər Baş Polis İdarəsinin mətbuat xidmətindən Teleqraf.com-a verilən məlumata görə, sosial şəbəkələrdə yol polisilə sürücü arasında yaranan mübahisənin təfərrüatları araşdırılır, araşdırmanın nəticəsilə bağlı geniş məlumat veriləcəkdir.

Xatırladaq ki, sosial şəbəkələrdə Bakı Şəhər Dövlət Yol Polisi İdarəsinin əməkdaşı olan polis zabitinin sürücüyə qayda pozuntusuna görə protokol tərtib etməsi prosesində polisin sürücü tərəfindən təhqir olunması barədə video yayılıb.