Biletlərin pulu 60 gün ərzində qaytarıla bilər

Azərbaycan ərazisində bilet almış şəxslər onu Azərbaycan Hava Yollarından yeni biletlərinə dəyişdirə biləcəklər.

Teleqraf.com xəbər verir ki, bunu Nazirlər Kabineti yanında Operativ Qərargahın brifinqində "Azərbaycan Hava Yolları" QSC-nin vitse-prezidenti Eldar Hacıyev bildirib.

Onun sözlərinə görə, biletlər vauçer şəklində qaytarıla bilər:"Əgər vətındaşlar vauçer almağa razılaşmasalar, Azərbaycan Hava Yolları beynəlxalq uçuşlar açılandan 60 gün sonra biletin məbləğinin geri qaytarılması nəzərdə tutulur".

Eldar Hacıyev səfərdən qayıdanların karantində saxlanması məsələsinə də münasibət bildirib:"Bütün sərnişinlər qayıtdıqdan sonra 48 saat qüvvədə olan COVİD-19 arayışı ilə almalıdırlar, bu zaman karantində qalmağa ehtiyac olmayacaq. Ola bilər ki, çarter uçuşlarına da bu tətbiq olunsun".