Votsap yeni qaydalarını açıqladı: "15 maydan etibarən..."

Votsap sosial şəbəkəsinin tətbiq edəcəyi yeni qaydalar birmənalı qarşılanmadığı üçün xeyli insan bu platformadan imtina etmişdi. Etirazlardan sonra votsap yeniliyin tətbiqini təxirə salmışdı.

Teleqraf.com xəbər verir ki, sözügedən platforma yeni qaydalarını açıqlayıb.

Yeni qaydalara görə, insanların votsap istifadəçilərinə yenilikləri oxuyub qəbul etmələrindən ötrü onlara bildiriş göndəriləcək:

“Daha əvvəl bununla bağlı məlumat verdiyimiz zaman insanlar arasında yanlış təəssürat formalaşdı. Bu səhvi aradan qaldırmaq üçün daha çox çalışırıq. Yeni qaydalar 15 maydan tətbiq olunmağa başlayacaq”.