“Davam” “Eurasia Global” Beynəlxalq Gənclər Forumunda təmsil olundu

Rusiya Federasiyasının Gənclərlə İş Agentliyi (Росмолодежь), Orenburq vilayət hökuməti və Gənclərin Resurs Mərkəzinin birgə təşkilatçılığı ilə UNESCO-nun himayəsi altında 2-8 sentyabr 2021-ci il tarixlərində Orenburqda “Eurasia Global” Beynəlxalq Gənclər Forumu keçirilib.

“Davam” Gənclər Hərəkatından Teleqraf.com-a verilən məlumata görə, 6-cı dəfə keçirilən “Eurasia Global” Beynəlxalq Gənclər Forumunda 80 ölkədən 500-dən çox gənc lider iştirak edib. Forumun məqsədi Rusiya Federasiyasında yaşayan gənclərlə xarici ölkələrdə yaşayan gənclər arasında təcrübə yönümlü dialoq üçün platforma rolunu oynamaqdır.

Qeyd edək ki, bu il “Davam” Gənclər Hərəkatı sözügedən forumun yerli tərəfdaş təşkilatı olub və forumda hərəkatın sədri Nihad Allahyarlı və baş katib Nigar Aslanova ölkəmizi təmsil edib. Onlar forum müddətində müxtəlif panel müzakirələri, təlimlər və masterklaslarda iştirak ediblər.