Nazirin qəbul vaxtı dəyişdi

Əmək və əhalinin sosial müdafiəsi naziri Səlim Müslümovun İmişli rayonunda keçirəcəyi vətəndaşları qəbul gününün tarixi dəyişdirilərək, noyabrın 28-dən noyabrın 27-nə keçirilib.

Bu barədə Teleqraf.com-a Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsindən məlumat verilib.

Səlim Müslümov həmin gün saat 10:00-da Nazirliyin İmişli rayon Əhalinin sosial müdafiəsi mərkəzinin (ƏSMM) inzibati binasında bu rayonun və Kürdəmir, Ucar, Zərdab, Beyləqan, Xocavənd, Füzuli rayonlarının sakinlərini fərdi qaydada qəbul edəcək. Vətəndaşlar info@mlspp.gov.az elektron poçt ünvanı, (012) 596-44-07 (Nazirliyin Ümumi şöbəsi), (021) 246-13-22 (İmişli rayon ƏSMM), (020) 255-02-06 (Kürdəmir rayon ƏSMM), (020) 213-01 66 (Ucar rayon ƏSMM), (020) 296-50-33 (Zərdab rayon ƏSMM), (021) 225-16-15 (Beyləqan rayon ƏSMM), (021) 223-53-16 (Xocavənd rayon ƏSMM), (026) 315-55-25 (Füzuli rayon ƏSMM) telefon nömrələri ilə əlaqə saxlayaraq qəbula yazıla bilərlər.

Kürdəmir, Ucar, Zərdab, Beyləqan, Xocavənd, Füzuli rayonlarından qəbula yazılmış vətəndaşların həmin rayonların ƏSMM-lərinin inzibati binalarının qarşısından xüsusi ayrılmış nəqliyyatla İmişli rayonuna aparılıb gətirilmələri təmin ediləcək.

Naibə