Qarabağa səfər zamanı xüsusi nişanlar olacaq

ANAMA işğaldan azad olunan ərazilərdə vətəndaşların təhlükəsiz hərəkətinin təşkili üçün videoçarxlar hazırlayıb.

Teleqraf.com xəbər verir ki, bunu Azərbaycan Respublikasının Minatəmizləmə Agentliyinin İdarə Heyəti sədrinin müavini Samir Poladov işğaldan azad edilmiş ərazilərə müntəzəm avtobus marşrutlarının açılması ilə bağlı bu gün keçirilən brifinqdə deyib.

Onun sözlərinə görə, həmin videoçarxlar səfər avtobuslarındakı monitorlarda da nümayiş olunacaq:
"Bununla yanaşı, ərazilərdə məlumatlandırıcı lövhələr, nişanlar da qeyd olunacaq. Həmçinin vətəndaşların təhlükəsizliyinin təmin edilməsi üçün onlar ANAMA və müvafiq qurumların əməkdaşları tərəfindən müşayiət olunacaqlar".