Mübariz Mənsimovdan 100 azərbaycanlı tələbəyə təqaüd - Foto

"Palmali" Holding Türkiyədə oxuyan 100 azərbaycanlı tələbəni dəstəkləmək üçün təqaüd proqramının davam etdiyini elan edib.

Teleqraf.com xəbər verir ki, təqaüdlər 2022-2023-ci il tədris üçün olacaq.

Bu təqaüd proqramının əsas məqsədi hazırkı bakalavr və magistratura tələbələrinə maliyyə dəstəyi göstərmək, layiqli tələbələrin təhsillərini davam etdirməsinə təşviq etməkdir.

2022-2023 tədris ilinin ümumi bölgüsü Təqaüd Komitəsi tərəfindən təqdim olunan müraciətlərin qiymətləndirilməsi əsasında müəyyən edilir.

Təqaüd üçün 100 azərbaycanlı tələbə seçiləcək.

* Tədris ilindən bir il əvvəlki ili yüksək bal və dərəcə ilə bitirən tələbələr
* Şəhid ailəsinin üzvləri olan tələbələr
* Qarabağ müharibə veteranlarının ailəsindən olan tələbələr
* Maddi vəziyyəti çətin olan tələbələr

"Palmali"nin yeni təqaüd proqramına qeydiyyat 2022-ci il aprel ayının 1-30 tarixləri arasında aparılacaq.

Proqramda iştirak etmək istəyən tələbələr tələb olunan sənədləri [email protected] elektron poçtuna göndərməlidirlər. Sənədlərin yoxlanmasından sonra seçilmiş 100 tələbəyə təqaüd verilməsi növbəti tədris ilində başlayacaq.

Təqaüd proqramı üçün sənədlər aprelin 1-dən 30-dək davam edəcək.

Xatırladaq ki, bu "Palmali" Holding tərəfindən azərbaycanlı tələbələrə verilən ilk təqaüd proqramı deyildir.