Şamaxı Rayon Mərkəzi Xəstəxanasına yeni direktor təyin olundu

Şamaxı Rayon Mərkəzi Xəstəxanasına yeni direktor təyin olunub.

Bu barədə Tibbi Ərazi Bölmələri İdarəetmə Birliyinin (TƏBİB) İdarə Heyətinin sədri vəzifəsini icra edən Vüqar Qurbanov əmr imzalayıb.

Əmrə əsasən, Hüseyn Emin Ramiz oğlu Şamaxı Rayon Mərkəzi Xəstəxanasına direktor təyin edilib.

Təyinatı TƏBİB-dən “Report”a təsdiqləyiblər.

Qeyd edək ki, E.Hüseyn bundan əvvəl Qobustan Rayon Mərkəzi Xəstəxanasının baş həkim vəzifəsində çalışıb.

Daha bir əmrlə Qobustan Rayon Mərkəzi Xəstəxanasının direktor vəzifəsinin icrası həmin tibb müəssisəsinin Poliklinika şöbəsinin müdiri Kərimov Qurban Ağaseyid oğluna həvalə olunub./Report/