Mirsəccadın yardıma ehtiyacı var: "Yeganə balamı ölməyə qoymayın" - Foto/Video

Gördüyünüz bu uşağın adı Mirsəccaddır. Cəmi 2 yaşı olan bu balanın beynində şiş (törəmə) və maye aşkarlanıb.

Teleqraf.com-un məlumatına görə, həkimlər deyib ki, bu, ağır xəstəlikdir və körpənin çox az vaxtı var. Ona görə də Mirsəccad tezliklə beynindən iki əməliyyat olmalıdır. Əməliyyat üçün 40 min manat lazımdır. Amma ailənin bu vəsaiti ödəmək imkanı yoxdur. Bu səbəbdən üzgün valideynlər xeyirxah insanlardan dəstək istəyirlər.

Mirsəccadın anası böyük ümidlə nicat gözləyir: “Balamın belə ağır xəstəliyə tutula biləcəyi ağlıma belə gəlməzdi. Amma indi onunla birgə çox ağır sınaqdan keçirik. Mərhəmətli insanlar, nə olar, yardım edin, yeganə balamı ölməyə qoymayın. Onun gözümün önündə əriyib getməsinə icazə verməyin. Ağrıdan qovrulan balamla birgə mən də hər gün zərrə-zərrə ölürəm. Ona kömək edə bilməmək, dərdinə çarə ola bilməmək məni məhv edir. Sizdən acizanə xahiş edirəm, bu çarəsiz ananın övladına yardım edin. Şəfqətli mərhəmətinizi bizdən əsirgəməyin. Yaxşılığınızı nə mən, nə də göydəki Allah heç zaman unutmaz”.

Qeyd: Seyidov Mirsəccada dəstək olmaq istəyənlər fotodakı bank hesabına ödəniş edə bilərlər.

Əlaqə nömrəsi: 0507588585