Pensiya alanların diqqətinə: Yeni layihə qəbul edildi

Azərbaycan parlamenti pensiya ilə bağlı sığorta stajının müddətinin daha 3 il uzadılmasına dair layihəni qəbul edib.

Teleqraf.com xəbər verir ki, Milli Məclis “Əmək pensiyaları haqqında” qanuna dəyişiklik layihəsini müzakirəyə çıxarıb.

Mövcud qanunvericilikdə pensiya yaşına çatan və 2006-2008-ci illər aralığında fərdi şəxsi hesabının sığorta hissəsində pensiya kapitalı olan şəxslərə (kapital məbləğindən asılı olmayaraq) pensiya təyin edilərkən 2006-cı il yanvarın 1-dək olan sığorta stajı 25 il, 2023-cü ildən etibarən isə hər təqvim ili üçün 1 il azaldılmaqla hesablanır.
Ancaq təklif olunan dəyişikliyə əsasən, sığorta stajının müddətinin 3 il artırılaraq 2026-cı ilə qədər uzadılması nəzərdə tutulur.

Müzakirələrdən sonra dəyişiklik layihəsi səsverməyə çıxarılaraq III oxunuşda qəbul edilib