MSK seçici fəallığını açıqladı: 36,38 faiz - YENİLƏNİR

17.35

Mərkəzi seçki Komissiyasının "Seçkilər" İnformasiya Mərkəzinin müdiri Rüfət Gülməmmədov saat 17:00 üçün ölkə üzrə bələdiyyə seçkilərində seçici fəallığını açıqlayıb.

Teleqraf.com-un məlumatına görə, R.Gülməmmədov qeyd edib ki, ölkə üzrə 118 seçki dairəsi və 5015 seçki məntəqinin hamısından hesabatlar daxil olub. Saat 17:00 üçün ölkə üzrə seçici fəallığı 36,38 faiz olub.

Saat 17:00-dək ölkə üzrə 4 milyon 819 min 382 nəfər seçicidən 1 milyon 753 min 394 nəfəri səs verib.

15.30

Mərkəzi Seçki Komissiyasının (MSK) "Seçkilər" İnformasiya Mərkəzinin müdiri Rüfət Gülməmmədov bu gün keçirilən bələdiyyə seçkiləri ilə bağlı saat 15.00-a olan seçki fəallığının nəticələrini açıqlayıb.

Teleqraf.com-un məlumatına görə, R.Gülməmmədov bildirib ki, saat 15:00-dək ölkə üzrə 4 milyon 819 382 nəfər seçicidən 1 milyon 563 357 nəfəri səs verib. Onun sözlərinə görə, saat 15.00-dək olan seçici fəallığı 32,44 faiz təşkil edib.

12.43

Mərkəzi Seçki Komissiyasının (MSK) “Seçkilər” İnformasiya Mərkəzinin rəhbəri Rüfət Gülməmmədov saat 12:00-a olan ikinci hesabatı açıqlayıb.

Teleqraf.com-un məlumatına görə, Rüfət Gülməmmədov, ölkə üzrə 118 seçki dairəsində yerləşən 5015 seçki məntəqəsi üzrə 1607 bələdiyyəyə səsvermənin keçirildiyini bildirib.

MSK rəsmisi bu vaxtadək 118 seçki dairəsi və 5015 seçki məntəqəsi ilk hesabatını verib. Səs vermiş seçicilərin sayı 1 milyon 33 min 210 nəfərdir.

10.58

Mərkəzi Seçki Komissiyasının (MSK) Seçkilər İnformasiya Mərkəzinin rəhbəri Rüfət Gülməmmədov bu gün səhər saat 10:00-a olan ilk hesabatını açıqlayıb.

Teleqraf.com-un məlumatına görə, Rüfət Gülməmmədov ölkə üzrə 118 seçki dairəsində yerləşən 5015 seçki məntəqəsində səsvermənin getdiyini deyib.

Onun sözlərinə görə, 1607 bələdiyyə üzrə 4.819.382 seçici qeydiyyatdan keçib: “Bu vaxta qədər 118 seçki dairəsi və 5015 seçki məntəqəsi ilk hesabatını verib. Səs vermiş seçicilərin sayı 501.254 nəfərdir. Seçici fəallığı isə 10.4 faizdir”.

R.Gülməmmədov qeyd edib ki, Naxçıvan Muxtar Respublikasının 2 saylı Şərur Seçki Dairəsi üzrə 53 seçki məntəqəsi fəaliyyət göstərir: Bu məntəqələrin hamısı ilk hesabatını verib. Bu dairədən 41.120 seçici qeydiyyatdan keçsə də, bu vaxta qədər 3413 nəfər səs verib. Bu dairə üzrə seçici fəallığı 8,3 faiz təşkil edir”.

R.Gülməmmədov indiyədək MSK-nın qaynar xəttinə 25 müraciət daxil olduğunu, şikayət məzmunlu müraciətin daxil olmadığını vurğulayıb.

Səxavət