Şəhid Elşad Həsənov dəfn olundu - Foto

Ötən gün Ermənistan tərəfinin təxribatının qarşısını alarkən şəhid olan Azərbaycan Ordusunun hərbi qulluqçusu şəhid Elşad Həsənov dəfn edilib.

Teleqraf.com xəbər verir ki, şəhidin cənazəsi bu dəqiqələrdə Ağstafa şəhər Şəhidlər Xiyabanında torpağa tapşırılıb.

Dəfn mərasimində şəhidin ailə üzvləri, yaxınları ilə yanaşı, rayon icra hakimiyyətinin, hüquq-mühafizə orqanlarının, idarə və təşkilatların rəsmi şəxsləri, eləcə də ictimaiyyət nümayəndələri iştirak ediblər.

***

13:08

Azərbaycan Ordusunun şəhid hərbi qulluqçusu Elşad Həsənovla vida mərasimi başa çatıb.

Teleqraf.com xəbər verir ki, Ağstafa rayonunun Xətai kəndində keçirilən mərasimdə şəhidin yaxınları ilə yanaşı, hərbçi yoldaşları, rayon ictimaiyyətinin nümayəndələri, sakinlər və hüquq-mühafizə orqanlarının əməkdaşları iştirak edib.

Şəhidin cənazəsi dəfn üçün Ağstafa Şəhidlər xiyabanına aparılır.

***

11:45

Laçın istiqamətində düşmənin təxribatı nəticəsində şəhid olan hərbçilərimizdən biri, Ağstafa rayon Xətai kənd sakini, Həsənov Elşad Qabil oğlu ilə vida mərasimi keçirilir.

Teleqraf.com vida mərasimindən görüntüləri təqdim edir:

Qeyd edək ki, E.Həsənov müddətdən artıq həqiqi hərbi xidmətdə olan hərbi qulluqçu olub, bir neçə ay öncə ailə həyatı qurub.

***

Laçın istiqamətində düşmənin təxribatı nəticəsində şəhid olan hərbçilərimizdən biri, Ağstafa rayon Xətai kənd sakini, 1994-cü il təvəllüdlü Həsənov Elşad Qabil oğlu bu gün doğulduğu kənddə dəfn ediləcək.

Teleqraf.com-un yerli bürosu xəbər verir ki, şəhidimizin nəşi bu gün təxminən saat 11-də Ağstafa rayonuna gətiriləcək.

Məlumat üçün bildirək ki, E.Həsənov müddətdən artıq həqiqi hərbi xidmətdə olan hərbi qulluqçu olub, bir neçə ay öncə ailə həyatı qurub.