"ZOOM" Beynəlxalq Xəbər Görüntüləri Müsabiqəsinin qalibləri - Foto

Xəzər Media Mərkəzində 27-ci “ZOOM” Beynəlxalq Xəbər Görüntüləri Müsabiqəsinin mətbuat konfransı baş tutub.

Teleqraf.com verir ki, mətbuat konfransında çıxış edən Türkiyə Xəbər Operatorları Assosiasiyasının sədri Aytekin Polatel müsabiqəyə təqdim olunan ümumi 190-a yaxın videomaterial arasından qaliblərin adını açıqlayıb:

"44 günlük Qarabağ zəfərinin ayaqsəslərini Anadoludan hiss etdik və gördük. Ordumuz qazandı, taclandırdı. Arxa planda isə bunu media olaraq dünyaya çatdırmalıyıq.

Azərbaycan həqiqətlərini dünyaya bəyan etməliyik. Dünya səviyyəsində tanınan belə yarışmaların Azərbaycanda təşkil edilməsinə önəm veririk. Buna görə də 27-ci “ZOOM” Beynəlxalq Xəbər Görüntüləri Müsabiqəsini iki başlıqda həyata keçiririk, "ZOOM Türkiyə". "ZOOM Azərbaycan". Əsas mövzumuz Qarabağdır. Qarabağ Azərbaycandır! Bu minvalla da hərəkət edərək yarışmanın mükafatlandırma mərasiminə böyük əmək sərf edirik. Azərbaycan mediasının da buna qoşulması bizim üçün ayrı qürur mənbəyi oldu".

Azərbaycandan müsabiqəyə göndərilən 30 görüntüyə sentyabrın 8-də Xəzər Media Mərkəzində yerli mütəxəssislərin təmsil olunduğu 26 nəfərdən ibarət münsiflər tərəfindən baxış keçirilib.

"ZOOM" Azərbaycan üzrə qaliblər aşağıdakılardır:

Xəbər görüntüsü nominasiyası:
Birinci yer: Real TV Elşad Heydərov

Özəl xəbər nominasiyası
Birinci yer: Azərtac İsgəndər Qəmbərov
İkinci yer: Xəzər TV Vüsal Cəfərov

Reportaj nominasiyası:
Birinci yer: İctimai TV Ceyhun Mustafayev

Sərbəst nominasiya:
Birinci yer: ARB TV Aidə Zərgərova

Serial nominasiyası:
Birinci yer: ATV Elvin Zeynalov
İkinci yer: ARB TV Turan Novruzova

Aktual xəbər nominasiyası:
Birinci yer: ARB TV Tacəddin Quliyev

Xəbər proqramı nominasiyası:
Birinci yer: Xəzər TV Aslan Qarayev

Xüsusi mükafatlar üzrə

Ağdam mükafatı - Xəzər TV Lalə Azərtaş

Şuşa mükafatı - Xəzər TV Lalə Azərtaş
Laçın mükafatı - İctimai TV Anar Ağazadə
Kəlbəcər mükafatı - BAKU TV Elgün Hümbətov
Füzuli mükafatı - AZTV Ramil Qocayev
Zəngilan mükafatı - ARB Rasil Salehli
Münsif mükafatı - İctimai TV Ramin Mehdi
Türkiyə Xəbər Kameramanları Assosiasiyası mükafatı - ARB TV Kamilə Hüseynli
Türkiyə-Azərbaycan dostluq mükafatı - Türkiyədən NTV Esra Gezginci

1996-cı ildən bəri keçirilən “ZOOM” Beynəlxalq Xəbər Görüntüləri Müsabiqəsi Türkiyə Xəbər Operatorları Assosiasiyasının təşkilatçılığı ilə baş tutub. Ötən həftə İstanbulda Türkiyə və digər ölkələrdən müsabiqəyə verilən görüntüyə Türkiyə münsiflər heyətinin baxışı və səsverməsi baş tutub. Konfransda Türkiyə Xəbər Operatorları Assosiasiyasının sədri Aytekin Polatel, Türkiyə Xəbər Operatorları Assosiasiyasının sədr müavini Ahmet Akpolat, Türkiyə Xəbər Operatorları Assosiasiyasının Azərbaycan üzrə nümayəndəsi İsgəndər Qəmbərov, İdarə heyətinin üzvləri İbrahim Büyükkerkmen, Mehmet Rıza Marufoğlu, Mustafa Soybaş, Mustafa Kara iştirak ediblər.

Qeyd edək ki, 27-ci “ZOOM” Beynəlxalq Xəbər Görüntüləri Müsabiqəsinin mükafatlandırılma mərasiminin sentyabrın sonlarında Azərbaycanda keçirilməsi planlaşdırılır.