TQDK ixtisas seçiminə başladı

Tələbə Qəbulu üzrə Dövlət Komissiyası (TQDK) bu gündən avqustun 19-dək tam orta təhsil bazasında (11 illik) orta ixtisas təhsili müəssisələrinə internet vasitəsilə ixtisas seçimi elan edir.

Teleqraf.com TQDK-ya istinadən xəbər verir ki, ixtisas seçim cari ilin məzunları üçün buraxılış imtahanının nəticələrinə, orta məktəbi əvvəlki illərdə və ya xarici ölkələrdə bitirən abituriyentlər üçün isə iyulun 2-də keçirilmiş eyni məzmunlu test imtahanının nəticələrinə əsasən aparılır.

Müsabiqədə ümumi balı 20-dən, ana dili və riyaziyyat fənlərinin hər biri üzrə minimal balı 8-dən az olmayan (xarici dil fənninə nisbi bal məhdudiyyəti tətbiq edilmir) abituriyentlər iştirak edə bilərlər.