2 Dekabr 2015 12:26
399

Müdafiə naziri general-polkovnik Zakir Həsənovun tapşırığına əsasən, Mənəvi-Psixoloji Hazırlıq və İctimaiyyətlə Əlaqələr İdarəsi tərəfindən hərbi hissə və birləşmələrin psixoloqları, şəxsi heyətlə iş üzrə zabitləri ilə Silahlı Qüvvələrdə psixoloji işin təşkilinə və aparılmasına dair təlim-metodiki toplantı keçirilib.

Müdafiə Nazirliyindən Teleqraf.com-a verilən məlumata görə, cəbhə bölgəsində təşkil olunan toplantıda “Silahlı Qüvvələrdə psixoloji işin təşkilinə və aparılmasına dair təlimat”ın qüvvəyə minməsi barədə müdafiə nazirinin müvafiq qərarının tələbləri ətraflı öyrənilib.

İxtisaslı mütəxəssislər tərəfindən şəxsi heyətin fərdi-psixoloji xüsusiyyətlərinin aşkarlanması, psixoloji hazırlığı, psixoloji yardıma ehtiyacı olan hərbi qulluqçuların müəyyən edilməsi, onlara psixoloji yardımın göstərilməsi üzrə tələblər və tövsiyələr çatdırılıb, eləcə də həyata keçiriləcək fəaliyyətlər barədə ətraflı müzakirələr aparılıb.

BƏXTİYAR


Müəllif: