Oğul atasını baltalayaraq öldürdü

Zaqatala rayonunda qətl hadisəsi baş verib.

Teleqraf.com xəbər verir ki, hadisə rayonun Əliabad qəsəbəsində baş verib.

Qəsəbə sakini, 1965-ci il təvəllüdlü Zahir İmranov atası, 1938-ci il təvəllüdlü Kərim İmranovu baltalayaraq öldürüb. Hadisə ata və oğul arasında yaranan ailə münaqişəsi zəminində baş verib.

Hadisədən əvvəl Kərim İmranov oğlunu evdən çıxarmaq istəyib. Evdən çıxmaq istəməyən Zahir balta ilə atasının başına bir neçə zərbə vurub. Zərbələrin təsirindən Kərim İmranov dünyasını dəyişib.

Faktla bağlı Zaqatala rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov