Binəqədidə yaşayış evinə basqın: 1 yaralı

Bakının Binəqədi rayonunda yaşayış evinə basqın edilib.

Teleqraf.com xəbər verir ki, Bakı şəhər sakini Elnur Cəbrayılovun evinə girən naməlum şəxs ona üz nahiyəsindən kəsici alətlə xəsarət yetirib.

Binəqədi Rayon Polis İdarəsinin 40-cı polis bölməsi əməkdaşlarının əməliyyat-axtarış tədbirləri nəticəsində cinayəti törətməkdə şübhəli bilinən Sumqayıt şəhər sakini Səyyaf Həsənov tutulub.

Səyyaf Həsənovun həmin evə oğurluq etmək məqsədilə girdiyi bildirilir.

Faktla bağlı cinayət işi başlanıb.

Hacı Zeynalov