Bakıda avtomobilləri qarət edənlər yaxalandı

Bakıda avtomobillərdən oğurluq edən şəxslər məsuliyyətə cəlb edilib.

Teleqraf.com xəbər verir ki, Yasamal rayon Polis İdarəsinin 28-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində paytaxt sakini Rafiq Rüstəmov tutulub. O, Bakı şəhər sakini Emin Rəsulzadəyə məxsus “KİA” markalı avtomobildən 2 ədəd noutbuk oğurlamaqda şübhəli bilinib.

Bundan başqa, Nəsimi rayon Polis İdarəsinin 22-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində fevralın 8-də Bakı şəhər sakinləri Bəhruz Məhərrəmova və Sara Abdullayevaya məxsus avtomobillərdən pul və mobil telefon oğurlamaqda şübhəli bilinən paytaxt sakini Nuhan Süleymanov da tutulub.

Hacı Zeynalov