Masallıda yanğın: xəsarət alan var

Masallıda yanğın faktı qeydə alınıb.

Teleqraf.com Fövqəladə Hallar Nazirliyinin (FHN) saytına istinadən xəbər verir ki, rayonun İsgəndərli kəndində vətəndaşa məxsus ümumi sahəsi 162 m² olan kürsülü, birmərtəbəli 5 otaqlı evin 3 otağının yanar konstruksiyaları və ev əşyaları 90 m² sahədə yanıb.

Yanğın zamanı 1 nəfər xəsarət alaraq aidiyyəti üzrə təhvil verilib.

Evin qalan hissəsi yanğından mühafizə olunub.

Yanğın saat 01:48-də yanğınsöndürənlər tərəfindən söndürülüb.