Narkotik alverçisinin özünü də, anasını da cəzalandırdılar

Bakı Ağır Cinayətlər Məhkəməsində narkotik maddələrin dövriyyəsində təqsirləndirilən Rövşən Kazımov, Fərid Səfərzadə və digərlərinin cinayət işi üzrə məhkəmə prosesi başa çatıb.

Teleqraf.com xəbər verir ki, hakim Ramella Allahverdiyevanın sədrliyi ilə keçən prosesdə təqsirləndirilən şəxslərə hökm oxunub.

Rövşən Kazımov və Fərid Səfərzadənin hər biri 5 il, Xalid Hüseynov 1 il 3 ay müddətinə azadlıqdan məhrum ediliblər.

Digər təqsirləndirilən Ruslan Balabəyli 1 il müddətinə azadlıqdan məhrum edilib və məhkəmə zalında həbs olunub.

Ruslan Balabəylinin anası Esmira Balabəyova barəsində isə 1 il sınaq müddəti təyin edilməklə, şərti cəza seçilib.

Təqsirləndirilən şəxslər Rövşən Kazımov, Fərid Səfərzadə, Xalid Hüseynov, Ruslan Balabəyli və Esmira Balabəyova 1 kiloqramdan artıq qurudulmuş marixuananı satmaqda ittiham olunublar.

Onlar Cinayət Məcəlləsinin 234.3 (Narkotik vasitələrin və ya psixotrop maddələrin qanunsuz hazırlanmasında və emalında istifadə etmək məqsədi ilə prekursorları hazırlama, əldə etmə, saxlama, göndərmə, daşıma və ya satma) maddəsi ilə ittiham edilib.

Ruslan Balabəyli və Esmira Balabəyova barəsində polisin nəzarətinə verilmə qətimkan tədbiri seçilib.

Hacı Zeynalov